UI RE NU KHA KA NU A NI

Description

“Doctor, emergency an awm ania” Nurse duty chuan min rawn hrilh a. Hman hmawh takin kan hospital casualty room lam chu ka pan phei nghal hlawk hlawk a.damlo khum te reuh te ah chuan hmeichhe pa1 an lo mut a, nurse pa2 in an lo buaipui mek bawk.
“Accident” tih chu hrilh hriat ka ngai lo chiang kher mai,.chu nu chu a ka a tang leh bek a tangin thisen a chhuak nasa a, thisen chhuak tih tawp tum in nurse te chuan hma an lo la mek a.
Zu rim a nam huam huam a, engle khawle, a rui tih chu sawi nawn a ngai lo chiang khawp mai,
“A chhungte emaw in hrilh tawh em?.” Zai a ngai ani.” Ka tih chuan nurse pa1 chuan a lu a thing nar nar a.
A ngal ruh pawh a tliak tih a hriat reng, a in pelh sawlh a,
“Damlo rawn hruai tu hi tu nge,?” A beng leh hnar a tang a thisen lo chhuak chu tih reh a nih vat lo chuan thil pawi tak a thleng dawn si a.
“Keimah” zawi tak hian a piah a mi mipa chuan min lo chhang a, a ni pawh a berh nuai a, a ban leh mal vel kak duai chu nurse chuan a buaipui mek a.