Lehkhabu Vs Ebook

Khawvel mihring te thil siam chhuah tawh ah chuan hmanlai aṭanga tun hun thlenga hlut dan ngai reng, ṭangkaidan ngai reng awm chhun chu Lehkhabu hi a ni. A hlutna leh ṭangkaina danglam hauh silo a khawvel thiamna hmanga siamṭhat/upgrade na chu Ebook hi a ni mai awm e.

Ebook chu enge?

Ebook tih chu Electronic Book tihna mai a ni a, Lehkha tak tak a ziak a dah ni ve lo in, electronic device hrang hrang, Computer, Smartphone leh device dang hmanga thuziah, awlsam taka chhiar mai theih tura duan, electronic file pakhat ve mai a ni. 1970 vel daih tawh khan lo siam ṭan in, a tir lam chuan CD Rom hmanga in thawn darh ve ṭhin a ni. Text file hrang hrang, PDF, Epub, Mobi, Azw, Txt..etc te hi ebook file siam nan a hman tlanglawn te an ni a, Ebook tih anih tak vang hian thil danglam em em a awm bik lo va, office thil leh mamawhna hrang hranga kan document file siam te ang tho hi a kal phung chu a ni a, a chhunga thuziak a ber kha Lehkhabu ziah nan a kan hman hlauh khan kha file kha ebook chu a ni.

Engvanga tangkai bik nge a nih?

Ebook hi Lehkhabu tak tak(Printed Book) luahlan tu chu a la ni chiah lo na, a chhunga thuziak te a hlutna leh tangkaina belhchhah tu leh ti darh zau tu a ni hlauh thung. Pakhatna ah chuan Ebook chhiar theihna device/smartphone/Pc i neih chuan Khawi hmun ah pawh, engtik hun an pawh i duh duh i chhiar thei a, lehkhabu pakhat mai nilo in, duh zat zat a ken theihna hi a hlutna pakhat a ni. Entirnan, Lehkhabu phek 500 chin chu a chhah in ken kawi reng kha thil buaithlak tak a tling thei a, chu pawh bu khat chauh a ni. Ebook hmanga chhiar tur chuan i smartphone kha a tawk mai a, lehkhabu phawrhchhuah a chhiar rem vaklohna hmun ah pawh ebook anih chuan chhiar rem loh hun a awm ve lo ti ila kan sawi sual awm lo ve. Pahnihna ah chuan, Thuziak tu leh thehdarh tu(Publisher) te tan thuziak te thehdarhna hmanrua belhchhah tu a ni a, Lehkhabu an siam khan Printed books leh Ebook hi a neih rual vek theih a, a zawrh rual theih bawk hian thehdarhna hmun (Publishing platform) a belhchhah zawk ta a, Khawvel hmun tin atangin pawh a kha lehkhabu lo neih ve dan awlsam ber chu Ebook hmangin a ni. Pathumna, Tunlai khawvel changkanna mil zawk ni in, Lehkhabu siam nan a Paper va hman ve kher ngailo chi anih vang hian a environmental friendly zawk em em a ni. Palina, Lehkhabu tak tak print nan a sum tamtak senral ang kha a ngai ve kher lo. Hei hian Thuziak tu tam tak, publishing lam a harsatna nei te, sum leh pai lam a harsatna nei zawk te tan chance a siamsak thei a, ebook hmanga an publish mai khan an talent ropui tak tak te a phochhuak hma thei zawk dawn a ni.

Tinge Kan la hmantlanglawn loh?

A chhan chu thil engkim mai hi intihhmuh thil a ni a, kan la intihhmuh loh hi a chhan bulpui ber a ni awm e. Lehkhabu kan print a kan publish dawn anih pawh in Ebook version hi neih a, zawrh chhuahnan a hman tel hi nakin lawk a kan la intihhmuh tur ni in, a hmang hmasa sa hlawkpui hmasa tih ang deuh a la ni tho tho dawn a ni. Ebook hi Lehkhabu pangngai(Printed Book) aiawh a hman tul hun tamtak a awm thei a, mahse hei vang hian Lehkhabu hlutna a tlakhniam phah bik chuang lo. A hrethiam hmasa ten an hmang tangkai hmasa mai dawn a ni.

Ebook Publish Dan

Heng zawng zawng kan sawi chhan chu Ebook a publish a zuar chhuak tur hian Mizo te pawh in Application kan lo siam ve zauh zauh tawh a, mahse a thatna leh tangkaina tur angin Mipui lam hian kan hmang tangkai tlat lo a ni. Playstore ah kan app Thaikawi Book Store tih hi i download chuan Lehkhabu sample atan kan thiante thuziah kan dah chhuak nual tawh a, a kalphung tur chu i hrethiam mai in a rinawm. Tin I lehkhabu ziah i publish duh anih phawt chuan App chhungah, About Us tih atang khan biakpawh theih reng kan ni e. A hnuai ah hian Ebook Thatna hrang hrang te points in kan tar chhuak leh ang.

• Smartphone Application hmanga duh hun hun a chhiar theih a ni.
• Lehkhabu Print man tam tak sen ral ve kher a ngai lo.
• Publish rualin Khawvel lehlam ram atang pawhin an lo lei nghal thei.
• Lehkhabu siam nan a Paper tamtak hmanral a ngai ve lo a, a eco-friendly em em a ni.
• Publishing platform tih zauh belh nan a hman theih a ni. Printed books zawrhna nen a in dal lo.

to be cont..